ആലക്കോട്: മദ്യലഹരിയിൽ കാറോടിച്ച യുവാവിന്റെ വാഹനം ഇടിച്ച് യാത്രക്കാർക്ക് പരിക്കേറ്റു. നിരവധി വാഹനങ്ങളും തകർന്നു. ഇന്നലെ ഉച്ചയ്ക്ക് 12.30 ഓടെ ആലക്കോട് ടൗണിൽ കുരിശുപള്ളിക്ക് സമീപത്തായിരുന്നു അപകടം. കരുവഞ്ചാൽ ഭാഗത്ത് നിന്ന് അരങ്ങം ഭാഗത്തേക്കു വരികയായിരുന്നു കാർ.
മദ്യലഹരിയിൽ നിയന്ത്രണംവിട്ട കാർ എതിർദിശയിലുടെ പോകുകയായിരുന്ന ബൈക്ക് യാത്രക്കാരെ ഇടിച്ചശേഷമാണു റോഡ് സൈഡിൽ പാർക്ക് ചെയ്തിരുന്ന വാഹനങ്ങളിൽ ഇടിച്ചത്. ഏഴ് ഇരുചക്രവാഹങ്ങളും ഒരു ഓട്ടോറിക്ഷയും തകർന്നു. അപകടത്തിൽ മൂന്ന് ബൈക്ക് യാത്രക്കാർക്ക് നിസാരമായി പരിക്കേറ്റത്.
കാർ ഓടിച്ചിരുന്ന കാപ്പിമല സ്വദേശിയും ആലക്കോട് ബൈക്ക് ഷോറും മാനേജരുമായ മൂലേപ്പറമ്പിൽ ജൂബിക്കെതിരെ (47) ആലക്കോട് പോലീസ് കേസെടുത്തശേഷം വിട്ടയച്ചു.